أرخيت له حبل المعـزه وشديـت ,,,حبل القسـاوه لا تجيـه القساتـي

أرخيت له حبل المعـزه وشديـت ,,,حبل القسـاوه لا تجيـه القساتـي

شفت القمر وأحتار فكرى وغنيـت
قمت أتذكر ما مضى من حياتـي

في صاحبن لا شفت زوله تعزويت
أصـد لا يكثـر علـى الشماتـي

أشتاقله لصبحت وأضحيت وأمسيت
وأستغفر الله لا خشعت بصلاتـي

أرخيت له حبل المعـزه وشديـت
حبل القسـاوه لا تجيـه القساتـي

ياما على شانـه تعبـت وتعنيـت
وياما على شانه تركـت أمنياتـي

وياما على شانه وقفـت وتحديـت
أطلق شنـب وفعولنـا جاهزاتـي

أنا مريض(ن)كان شفتك تشافيـت
ياوصفت الدكتور مـدرى شفاتـي

أرجيك لا والله حشـى ماترجيـت
غير الله الوالى كريـم الصفاتـي

هاجمتنـي بالعاطفـه وأستحليـت
قلبي وروحـي كلهـن ياغناتـي

وهاجمتك بعقلي وفكـري وحليـت
أحبالك اللـى بعقدهـن محكماتـي

هذى نهايت حبنـا كـان حبيـت
وهذى سوات الوقت ماهي سواتي

هذى نصيحة حق كانـك توحيـت
أسمع نصايح من معـه تجرباتـي

الى يقول أني عشقـت وتشقيـت
وحده-لعب يمكن على أربع بناتي

حب الشرف دورته وبـه تلاقيـت
لكن قبل تسعين عـام(ن) فواتـي

حب الزمن هذا ترى بس تشتيـت
يخـرب العاقـل مـع العاقلاتـي

وأنا أحمد الله ما عشقت وتشقيـت
ألا علـوم(ن) كلهـن طيبـاتـي

هذى سوالف ناس منهـم توحيـت
وأكثر سوالفهـم معـي سامجاتـي

وأنا أعذروني لو غلطت وتماديت
أشرح أعلوم(ن) بالزمن جارياتي

البارحه وسـط المجمـع تمشيـت
شفت البنات بطيشهـن غارقاتـي

اللبس ضيـق والزقـاره بباكيـت
من لامني لاقلت أنـا ضايعاتـي؟

وشفت الشباب ودربهم لين مليـت
أوجيههـم يأهـل الوفـى ميتاتـي

ما عم لاوالله أخـص السرابيـت
ولا عـم أنـا بناتنـا الصايباتـي

واقول يالله يالولى خالـق البيـت
أتقدى الـى فـي دروب الشتاتـي

وأتصحي الى قال ماشفت وأوحيت
وتخلى عيونـه معـه صاحياتـي

وختامهـا وعـداد ماينبنـا بيـت
صلوا على المختار حسن الصفاتي

ان شالله تعجبكم دمتم بوود..