الـعـب مـعــي يـازيــن دور البـطـولـه
جاوب غرامي لو على شكل تمثيل
مـــــدام قـلــبــك مـغـلـقــات ٍ قـفــولــه
ارفق بقلـب ٍ شـاف كثـر الغرابيـل
قبـل امـس هجـرك ياحلـو تـم حولـه
حـبـك زرعـتـه والهـمـوم المحاصـيـل
غيرك تـرى ماشاقنـي شـوف زولـه
مانيـب مـن حبـه يجـي فـيـه تنـزيـل
وشلـون تنسـانـي بـهـذي السهـولـه
رغم ان وضعي ماحدث فيه تبديـل
رمـشــك بـقـلـبـي بـيـنــات ٍ فـعـولــه
والا انــت ماجـربـت فـعـل المظـالـيـل
ماخذت فـي دنيـا الهواجيـس جولـه
ولا تـعـلـمـت الـبـكــاء تــالـــي الـلــيــل
حـبـك مــلا قـلـبـي بـعـرضـه وطـولــه
طـلــع بـدمــي يـــوم سـويــت تحـلـيـل
